Kalsoyarrenningin

Ver við í Kalsoyarrenningini 2016

Leygardagin 20. september 2015 skipaði Treysti á áttanda sinni fyri sera væl umtóktu Kalsoyarrenningini, har runnið varð frá ferjuleguni á Syðradali til Trøllanesar.

Rutan

Byrjað verður frá ferjuleguni á Syðradali...

...og málið er á Trøllanesi

Eins og undafarin ár verður talan ikki um eina rennikapping, men um ein hugnaligan rennitúr. Onkur gongur og onkur tekur eisini túrin á súkklu. Undirtøkan hevur altíð verið góð, og øll eru á einum máli um, at hetta er ein fínur túrur, sum eigur at vera á hvørjum ári. Vit royna tí aftur í ár, sjeynda árið á rað, og vóna at luttøkan verður góð.

Sam” siglir av Klaksvík kl. 10.00 til Syðradals, og byrjað verður at renna næstan beinanvegin komið verður í land á Kalsoynni. Runnið verður frá ferjuleguni og norður til Trøllanesar. Teinurin norður til Trøllanesar er 16,5 kilometrar og verður runnið ígjøgnum allar fýra tunlarnar. Luttakararnir verða tí bidnir um at hava lummalykt/pannulykt við.

Teinurin áðrenn fyrsta tunnilin er umleið 7 kilometrar. Restina av teininum er størri parturin ella umleið 5,5 kilometrar í tunli. Í øllum tunlunum eru endurskinsskelti úti í síðunum, sum hjálpa væl, tá ið lykt verður brúkt. Allir tunlarnir hava mótbrekku á veg norðureftir. Mótbrekkunar í tunlunum flatna fyri hvønn tunnil norðureftir. Vegbreytin í onkrum tunli er rættiliga ósløtt, og tí verða rennararnir bidnir um at vera varnir.

Tá komið er í mál á Trøllanesi verður góður biti, kaffi/te og køkur at fáa í vakra gamla skúlanum har.

"Sam" siglir av Syðradali aftur kl. 14:30 og kl. 17:35.

Fyri tey, ið hava hug at fáa nakað eyka burtur úr hesari ferð, verður skipað fyri útferð til Mikladals at vitja "Kópakonuna", og har fer Markus Í Norðnástovu at siga søgnina um Kópakonuna. Í Mikladali verður eisini kaffi og okkurt at fáa afturvið. Bussurin hjá Bygdaleiðum koyrir kl. 17.05 úr Mikladali.

Tilmelding fer fram á heimasíðuni hjá FÍF (www.fif.fo), og har kann bert gjaldast við gjaldskorti (DANKORT).

Freistin at melda til er úti hóskvøldið 18. september á miðnátt !

Runnið kann verða soleiðs:

1. Kalsoyar Renning kr. 150,-
2. Kalsoyar Renning og Kópakonan kr. 200,-

Hava tit spurningar, kunnu tit ringja til Gutta á 230210.

Minnist til: Lummalykt/pannulykt, endurskin og skiftiklæði.